Hafan Wen Uned Fewnol ar gyfer Trin a Diwenwyno Cleifion

Adeiladwyd yr Ymddiriedolaeth Feddygol Gogledd Cymru Hafan Wen o dan arweiniad gyda'r Awdurdod Iechyd Gogledd Cymru. Mae Hafan Wen yn ganolfan trin a diwenwyno sydd wedi'i hadeiladu'n benodol at y dibenion hyn, wedi'i lleoli yng Ngogledd Dwyrain Cymru, ar safle Ysbyty Cyffredinol Dosbarth Maelor Wrecsam.

Mae gwasanaeth yr uned fewnol yn cael ei rheoli gan CAIS. Datblygwyd rhaglenni Diwenwyno ac Adfer Hafan Wen ar sail arferion da cyfredol y DU a UDA ac maent wedi'u seilio ar ddadansoddiad gweithredol o ymddygiad pobl sy'n cymryd cyffuriau ac alcohol. Mae'r rhaglenni'n ystyried yn fanwl beth yw anghenion corfforol, seicolegol a chymdeithasol y claf ac maent yn anelu tuag at ddatblygu ac atgyfnerthu ysgogiad y claf er mwyn cynnal newid i baratoi'r claf yn ddigonol at fyw heb sylweddau. 

Mae Hafan Wen yn anelu at helpu unigolion i allu ymatal rhag defnyddio sylweddau a hynny mewn amgylchedd cyfforddus, dan ofal staff nyrsio a staff meddygol hynod o gymwys a phrofiadol, a than arweiniad Seiciatrydd Ymgynghorol.