Cymorth Meddygol Gogledd Cymru i Tamil Nadu

Ym mis Mai 1989, lansiwyd Cymorth Meddygol Gogledd Cymru i Tamil Nadu fel elusen gofrestredig, dan gadeiryddiaeth Archesgob Cymru bryd hynny, sef Y Parchedicaf Alwyn Rice-Jones, i sefydlu clinig iechyd sylfaenol a rhoi cymorth meddygol ym mhentrefi Tamil Nadu, yn Ne Ddwyrain India.

Dilynwch cyswllt hwn i wefan Cymorth Meddygol Gogledd Cymru i Tamil Nadu >>.

Ym 1990, ffurfiwyd Cyfeillion Cymorth Meddygol Gogledd Cymru i Tamil Nadu. Maent wedi codi proffil yr elusen yn ogystal â chodi arian sydd wir ei angen, drwy gynnal digwyddiadau codi arian amrywiol ac arloesol ym mhob cwr o Ogledd Cymru. Ym 1992, adeiladwyd Canolfan Gymunedol yn Irumaram drwy ddefnyddio arian a godwyd yng Ngogledd Cymru, ac aeth rhai o staff a disgyblion Ysgol Uwchradd Dinbych i ymweld â'r pentref er mwyn cychwyn ar y gwaith o adeiladu'r ganolfan. Hefyd, ffurfiwyd Ymddiriedolaeth Pentref Tamil Nadu yn 1992. Ym 1993 daethpwyd o hyd i adeilad arall yn Adavapakkam er mwyn rhedeg clinig meddygol a chanolfan hyfforddi. Ym 1994, dechreuodd yr Ysgol Iechyd a Gofal yng Ngholeg Llandrillo ar eu hymweliadau rheolaidd â'r pentrefi er mwyn sefydlu rhaglen addysg iechyd.

Ym 1993 daethpwyd o hyd i adeilad arall yn Adavapakkam er mwyn rhedeg clinig meddygol a chanolfan hyfforddi. Ym 1994, dechreuodd yr Ysgol Iechyd a Gofal yng Ngholeg Llandrillo ar eu hymweliadau rheolaidd â'r pentrefi er mwyn sefydlu rhaglen addysg iechyd. Ym 1995, sefydlwyd sawl meithrinfa a chlinigau addysg sylfaenol ac addysg iechyd. Yn ystod 1996/97 cododd Dosbarth 18 Inner Wheel fwy na £9,000 ar gyfer adeiladu Canolfan Datblygu Plant bwrpasol, i'w hadeiladu yn agos at y Ganolfan Gymunedol yn Irumaram. 

Ymgorfforir pob agwedd o waith datblygu plant drwy gyfrwng dulliau dysgu strwythurol, gan gynnwys:-

• Dysgu trwy chwarae
• Datblygu'n gorfforo
• Cyfathrebu
• Helpu eich hun a Chyfrifoldeb
• Dychymyg a Dawn Greadigol
• Deall syniadau a'r byd o'u cwmpas 

Cyflwynwyd cais i Fwrdd Elusennau'r Y Gronfa Gymunedol am arian offer a chostau cynnal am bum mlynedd a dyfarnwyd grant o £67,201 i'r elusen ym mis Mehefin 1999.

Agorwyd y Ganolfan Datblygu Plant yn swyddogol ar 2il Rhagfyr 1999 - erbyn hyn mae ganddi'r holl staff a'r offer angenrheidiol a gall dderbyn plant rhwng 2 a 5 oed.

Dyfeisiwyd maes llafur cynhwysfawr, yn seiliedig ar ddysgu trwy chwarae, ac fe gynhelir gweithdai rheolaidd ar hyfforddiant gofal plant i staff, rhieni a gwirfoddolwyr.

Ar wahân i'n gwaith o fewn y Ganolfan Datblygu Plant, mae nifer o gynlluniau eraill hefyd wedi eu cyflwyno:-

• Grwpiau hunan gymorth
• Hyfforddiant diwylliannol a chrefftau
• Hyfforddiant gwaith teiliwr
• Hyfforddiant ymwybyddiaeth gymunedol

Mae clinigau iechyd yn parhau i gael eu cynnal bob wythnos yn Irumaram ac Adavapakkam.  Mae?r rhain yn cynnwys:-

• Rhaglenni deintyddol
• Rhaglenni ymwybyddiaeth am afiechydon STD/HIV/AIDS
• Sesiynau ymwybyddiaeth polio

Os ydych am wneud rhodd, pa fychan bynnag, neu am ymuno â Chyfeillion Cymorth Meddygol Gogledd Cymru i Tamil Nadu, cofiwch gysylltu gyda ni.  Byddem yn falch o anfon ffurflen Cymorth Rhodd atoch neu gallwch glicio?r cyswllt hwn i dderbyn copi o?r ffurflen fel y gallwch ei phrintio eich hun.  Os ydych yn drethdalwr yn y Deyrnas Unedig, mae Cymorth Rhodd yn galluogi pobl i roi unrhyw swm, naill ai unwaith neu'n rheolaidd, ac mae'r elusen yn elwa o swm y dreth a fyddai'n cael ei thalu ar y rhodd, a hynny ar ben gwerth y rhodd.  Gobeithiwn glywed gennych yn fuan.